مخطوبة وتجهزين لعرسك تعالي معاي أعلمك على أسراري* *

كيف حالكن يا عرايس يا حلوات .. انا كتبت هالموضوع لان كثير بنات يسألوني على الخاص وبالايميل فاجمعت كل اللي عندي عشان افيدكن

وأبيكم تستفيدون من تجاربي وأفكاري وما أبي منكن غير دعوة بظهر الغيب إن ربي يسخر لي زوجي ويحفظ لي بنتي ويرزقني بالولد الصالح..


نبدأ أولا ..

بشنط السفر .. هل شريتيها ؟ إذا ما شريتيها عندك محلات كثيرة بالراشد مول تبيع شنط رائعة وحلوة وانا أشتريت شنط سفري من قزاز 5 شنط احجام مختلفة ومعاهم شنطة مكياج زي كذا للتوضيح..


أو.. أنا أحب الالوان الغامقة..



او

طيب اللحين خلصنا من شنط السفر إذا ماجات مع شنطة السفر شنطة مكياج اشتري لانك راح تحطين مكياج لزوجك في السفر... أنا أشتريت وحدة صغيرة تنحط داخل شنطة يدي .. لاني ما افضل المكياج الكثير أثناء السفر ..


خلصنا من شنط السفر وشنط المكياج نجي اللحين ايش نحط داخل هالشنط ..

أولا نبدأ بشنطة شهر العسل قبل شنطة ليلة العرس عشان تفتكين من تجهيزها بدري..


أولا أنصحك تبخين داخل شنطة ملابسك عطر حلو..

وتبخرين ملابسك اللي بتحطينها بالشنطة أنصحك بالمعمول الدوسري تهبل ريحته ..

- حطي 3 بناطلين جيز على حسب الالوان اللي تحبينها أنا اشتريت جينزات مرسوم عليها فرايحية حلووة من محل (زي الحجاب) بمجمع الراشد وشريت واحد من (مس سكستي) بمجمع الراشد بعد.


بعدين خذي برموا واحد تلبسينه لزوجك في الفندق زي كذا.


اللحين نجي للتي شيرتات اللي راح تلبسينها مع البناطلين او البرمودا ..خذي لي 4 او 5 تي شيرتات ..


بالنسبة للتي شيرتات عندج مس سكستي - زارا - مانجو - فيرو مودا - ريفيرآيلاند - توب شوب - بريشيكا ..



اللحين نجي للملابس الكشخة أذا كنتي محجبة وماتبين تلبسين عباية .. اشتري لكل طلعتين بلوزة ..





طبعا هذا تلبسين تحته بودي و بنطلون جينز مع الحجاب.

اللحين نجي للأحجبة ..


انا أخذت معاي يمكن لكل بدلة حجاب .. يعني خذت 6 احجبة.. واهم شي تشترين الحجاب الكويتي عشان ما يتزحلق ويطلع شعرك.. واشتري زي البندانا تغطي الشعر عقب تلبسين الحجاب وانا فصلت عباية كشخة مع غطاء صغير يغطي نص الوجه ..


إذا تحبين تلبسين عباية بالسفر فصلي لك وحده كشخة زي كذا







اللحين نجي للتنانير القصيرة والتوبات اللي راح تلبسينهم لزوجك في السفر يعني فيما بينكم..
خذي لك تنورتين و4 او 5 توبات ..










وانا انصح اي وحدة تسافر لا تكثرين من الملابس لانك راح تتسوقين بالسفر وانتبهي تاخذين معك تنانير طويلة لانها ماهي عملية ولا تآخذين جلابيات ولا قمصان للبيت انتي اللحين عروسة كل شي خذيه مغري وحلوو




اللحين نجي للتوبات..










اللحين رتبتي كل هالملابس بالشنطة اللحين نجي للملابس الداخلية وقمصان النوم.. الملابس الداخلية انتبهي خذي لك نوعين القطني اللي لمى تطلعون برا عشان ماتسبب لك حساسية ولا حكة وخذي لك الدانتيل والحرير بينك وبين زوجك يعني خذي لك 10 ملابس داخلية ..
وقمصان النوم لا تكثرين خذي 5 او 6 لانك راح تشترين من هناك بعد..

***


ولا تنسين تشترين واحد بكيني او مايوه .. ممكن تسكنون في منتجع او شاليهات خاص بالشاليه حقكم ..

وخذي لك شبشب للبحر او الشاليهات

وقبعه للسباحة عشان شعرك ما يتبلل وشنطة للبحر ومستلزماته





***


اللحين نجي لقمصان النوم..وحاولي تاخذين معك 2 بيجامة..

وخذي لك بيجامات نعومة تلقينهم في اوشيو او اولا لاه ..

و بخصوص لبس ستيان تحت قميص النوم عادي إذا تحبين البسي يكون شفاف ينباع في لاسنزا او نعومي بس الاحلى لا تلبسين تحته ستيان..




وممكن تنوعين تكون البيجامة تنورة او شورت او برمودا اللي تحبين



وين التفاعل يا بنات ؟؟

اللحين رتبتي ملابسك الداخلية وقمصان نومك والبيجامات نجي اللحين للأحذية اللي راح تآخذينها معاك بالسفر..
انا وديت معاي واحد حذاء رياضة من ماركة جوتشي.. لان السفر كله مشي وتمشيات..
وأخذت 2 صندل بدون كعب حلوين.. للتمشيات الخفيفة داخل المجمعات او الحدائق..
وأخذت واحد كعب لا رحنا مطعم واي مكان كشخة..










وصندل واحد بس كعب عالي..


اللحين لمى تروحين المطار مع زوجك البسي كعب واطي عشان ترتاحين بالطيارة..



اللحين حطيتي الصنادل داخل الشنطة ..
نجي اللحين للمكياج خذي شنطة المكياج الصغيرة أو الكبيرة
وحطي مكياجك اللي لزوجك بس داخل شنطة السفر بشنطة صغيرة (كحل سائل+ ماسكرا+ روج لونين أحمر + ووردي + مالاه داعي أساس بس خذي بودرة للوجه + آي شدو لونه ناعم وردي او لولي+ بودرة خدود+ قلوس )
ولا تنسين القطن الخاص بتنظيف البشرة أنا أخذت الورق المنظف من جونسون مريح في الاستعمال بس حطيه في كيس اللي يسكر من فوق عشان ما ينشف ..











هذا الورق مزيل المكياج..




بالنسبة للطلعات مع زوجك بشهر العسل حطي بس بودرة على وجهك وكحل ازرق او اخضر او اسود داخل عيونك .. وقلوس..


اللحين نجي بالنسبة لشعرك..
ما أنصح تودين إستشوار معك بالسفر لان ماراح يكون عندك وقت .. عندي اربطيه مره زي ذيل الحصان او سويه كيرلي عاد انتي وشطارتك ..




اللي شعرها خشن أنصحها تسوي فرد..



اللحين نجي للاشياء الخاصة اللي لازم تآخذيها وياك بالسفر
أولا .. الفوط الصحية ممكن تجيك الدورة هناك ..



خذي معاك كيرفيري تلبسينها كل يوم تمنع الرطوبة وريحتها حلوة..


وخذي معاك اوراق منظفه نفس الشي من كيرفري تمسحين فيها عقب دخولك الحمام..




وخذي معك بعد غسول كيرفري تغسلين فيه بعد كل علاقة مع زوجك ..

طبعا انتي بتكونين حافة ومخلصة .. بس خلال اسبوعين او 3 اسابيع راح يطلع الشعر في جسمك وخاصة الابطين والمنطقة الحساسة .. فا ماعندك وقت للحلاوة ..
فا اشتري لك موس خاص تحفين فيه يدك وسيقانك وابطك والمنطقة الحساسة..




وما انصح تحطين رغوة لان الشفرة تتزحلق بسرعة وتتجرحين .. انا استخدم الشامبو..

- وفي نقطة مهمة خذي معك شوية ملح عشان ممكن يجيك التهاب او حكة تتغسلين فيه بمويه..

- وخذي معك اوراق الديتول تمسحين فيها المراحيض لارحتي مطعم ولا مكان عام ..

- وخذي معك بعد مطهر خاص لليدين ينباع بالصيدلية اذا رحتي مطعم ولا اي مكان تبين تآكلين فيه تحطين كم نقطة بيدك وتمسحين..


خذي معك بندول ممكن يجيك صداع ولا تزكمين ولا تجيك الدورة..


وأنا أخذت معاي لزقات جروح يمكن انجرح ولا شي..