السلام عليكم يا احلى يا احلى منتدى نور العيون
من غير رغى كتير انا هقول لكم احلى طريقة شوى سمك فى البيت طبعا بنفتح بطن السمك ونضفها ونغسلها كويس
بس مش نشيل قشر السمك هو اللى بيحافظ عليه عشان مش يلزق بنجيب الصاجه على النار الحاميه وطبعا بنحط السمك فى الرده من الجنبين ونرصه على الصاجه وعلى نار عاليه حوالى دقيقه وبعد كده نهدى النار حوالى دقيقتين وبعدين نعليها تانى تقريبا نص دقيقه والخطوه دى مهمه ياجماعه عشان السمك مش يكون محروق ويكون نى من جوه
المهم احنا مش بنقلب السمك الا والنار حاميه تحته عشان مايكونش لازق فى الصاجه لان لو النار هاديه عليه وانتى بتقلبيه هيكون لازق وزى ماعملنا فى الجنب الاول هنعمل فى الجنب التانى ب
الظبط
احلى سمك مشوى فى البيت
ودى كمان
التتبيله انا بخلى الراس التوم الصغيره عشان السمك بدقها بقشرها واضيف عصير الليمون والخل والكسبره والكمون والشطه والملح وشوية مايه واحط السمك فيها واطلعه يتصفى
احلى سمك مشوى فى البيت
احلى سمك مشوى فى البيت
وادى شكل السمك بعد مااتبل
احلى سمك مشوى فى البيت
وادى السمك مع الارز الابيض بالسمنه البلدى اللى انا عملاها فى البيت كمان والسلطه البلدى الجميله
احلى سمك مشوى فى البيت
ودا سمك بردو فى البيت بس بتتبيلة شوى زى اللى بره ونشتريه جاهز بالظبطاحلى سمك مشوى فى البيت
عايزه اقولكم ان الصاجه اللى شويت عليها دى كانت صفيحة سمنه من الكبيره بس عمى قصها وساوى اطرافها ودى عندى من 10 سنين والله
ونسيت اقول لكم انى بقلب السمك على الجنب التانى بالشياله اللى بنشيل بيها المكرونه بالباشاميل ولازم تكون النار حاميه تحته واحنا بنقلبه
كمان عايزه طلب منكم اللى تعجبها الوصفه تدعى دعوه حلوه لامى ربنا يجازيها عنى خير واكون سبب لدخولها الجنه ويارب يبارك لى فى عمرها يارب لانها بصراحه هى اللى ليها الفضل فى انى والحمد لله ست بيت شاطره
استودعكم الله
الأحد مايو 27, 2012 12:34 pm