وصفة رووووووعة لتفتيح وترطيب الوجه
السلام عليكم ورحمة الله وبركاته
الاول كل سنة وانتو جميعا طيبين بمناسبة شهر رمضان المعظم
ويارب يبلغنا الشهر
انا جيت النهارده وجبتلكم وصفة طبيبعة لها تأثير رائع على الوجه انا جربتها بنفسى ولقيت نتيجة جنااااااااااااااان
انا كنت راجعة من المصيف وشى ورقبتا ودراعى نص سواء من الشمس والميه المالحه كنت راجعه بشرتى محروقة جدا من الشمس قعدت افتكس حاجات كده وجت معايا فالجون يعنى ومصدقتش النتيجة بجد
الخلطة عبارة عن
2ملعقة ز ب ادى
1ملعقة صغيرة نشا
1ملعقة صغيرة دقيق
1ملعقة صغيرة عصير ليمون تقريبا نص ليمونة صغيرة
ربع خيارة مبشورة
1ملعقة كبيرة ماء ورد
اخلطى كل المكونات كويس اوى فطبق
لحد ماتبقى متماسكة لو حسيتى انها تقيلة حطى ماء ورد
وحطيها على وشك كله ورقبتك وانا كنت بحط منها على ايدى
وسيبيها لحد ما تنشف على وشك وبعدين اغسليها بماء فاتر وبعدين ماء ورد ونشفي بقطنة وبعدين حطى اى مرطب انا بستعمل جونسون الازرق
وطبعا كلنا عارفين ان الزبادى مفيد جدا
وهتلاحظى النتيجة اول ما تشيلى الماسك هتلاقى بشرة افتح وناعمة وهتحسى بجد انك منتعشة
ومتنسونيش بالدعاء ان ربنا ينويلى اللى فبالى
بحبكم فى الله
الإثنين يوليو 23, 2012 8:25 pm