منتصر
مدير
الساعه الان :
الدوله : 
عدد المساهمات : 1478
تاريخ التسجيل : 13/06/2012
العمر : 38
الموقع : muntmunt@yahoo.com
 | موضوع: لية يا بلد  الخميس أغسطس 30, 2012 3:43 pm | |
|
[b]ليه يا بلد
ليه بلد الحر فيكى ليه مهان
خوفنا أتولد
بس أنتى شايفة الخير جبان
إصحى وفوقى وصحصحى
ورجعى بينا اللى كان
كرامتنا كانت كل يوم
بتزيد مكانة
والعزة وصلت للنجوم
وحقوق معانا
والحق تاه وسط الغيوم
ومفيش أمانة
ليه كل ده راح وإنقضى
بإدين جبانة
ليه يا بلد
ليه يا بلدنا الطيبين
راحوا وولوا
بإدين غريبة ومجرمين
سرقوا ما خلوا
والندل طايح فى الدروب
يسرق يخطف من الجيوب
ويعبى كله
ليه يا بلد
ليه يا بلد
العدل له مليون قرين
بالكذب والتلفيق يموت
فى بير دفين
ونظرة المظلوم
بتنده من سنين
يا مين يقوم
يكسر قيد الولد
ليه يا بلد
ليه يا بلد
حقى وحق الخلق ضاع
غيروا ملامح وشوشنا
ولبسوا هم مية قناع
مسكوها للى شبعوا
واللى عمره فى يوم ما جاع
يا خيرنا إمتى تتولد
ليه يا بلد
ليه يا بلد حريتك
بين القيود
ضاعت ملامحك
وسؤالنا تانى ملوش ردود
وأمانه هربت مننا
ملهاش وجود
وفيران كتيرة معسكرة
بين الأسود
واللى نطق فينا إتجلد
ليه يا بلد
ليه يا بلد فيكى الخسيس
واخد مكاننا
يسرق وينهب فى لحمنا
وفى حرنا مالنا
وإنتى ساكتة ما تنطقى
ودارية بحالنا
واليأس حطم حلمنا
وقصور أمالنا
والضبع عاش دور الأسد
ليه يا بلد[/b]
| |
|
نونه المديره العام
Admin
الساعه الان :
الدوله :
عدد المساهمات : 1447
تاريخ التسجيل : 25/05/2012
العمر : 34
الموقع : نور العيون
| | موضوع: رد: لية يا بلد الخميس أغسطس 30, 2012 3:45 pm | |
| جميل جدا يامنتصر بجد رائع جزاك الله خير | |
|
